തിരുവനന്തപുരം : ഈ തീരം, മനോഹര തീരം..!

തിരുവനന്തപുരം : ഈ തീരം, മനോഹര തീരം..!

തിരുവനന്തപുരം : ഈ തീരം, മനോഹര തീരം..!

തിരുവനന്തപുരം : ഈ തീരം, മനോഹര തീരം..!

LogoTRans

The above slider-images are filler-images. Pls replace with the images taken locally and credit the those photographers.

കോവിഡ് : വ്യാജ മരുന്നുകൾ, ഭക്ഷണ ചികിത്സ, വാണിജ്യ ഉത്പ്പനങ്ങൾ, അന്ധവിശ്വാസങ്ങൾ …

by | Oct 19, 2021 | Uncategorized, കോവിഡ്, ഗ്രാമത്തിലെ പ്രധാന വിഷയങ്ങൾ , തീര ഗ്രാമവും കോവിഡും, തീരദേശ ഗ്രാമവും ആരോഗ്യ മേഖലയും, പ്രധാന വിഷയങ്ങൾ  | 0 comments

കോവിഡിന്റെ ആദ്യ നാളുകളിൽ,  അന്നത്തെ അമേരിക്കൻ പ്രസിഡൻറ് രാജ്യത്തെ അറിയിച്ചത് തണുപ്പ് കാലം മാറി ഉഷ്‌ണ കാലം ആവുമ്പോൾ കൊറോണ വൈറസുകൾക്കു ചൂടിനെ അതിജീവിക്കുവാൻ ആവില്ല ; അങ്ങനെ കോവിഡ് രോഗ വ്യാപനം കുറഞ്ഞു ഇല്ലാതെയാവും എന്നാണു! ആ അവകാശവാദം ശാസ്ത്രീയവുമല്ല വസ്‌തുതാപരവും അല്ല എന്ന് സമ്മർ കാലത്തെ ഉയർന്ന കോവിഡ് ബാധ തെളിയിച്ചു. കൊറോണ വൈറസുകൾ ശരീരത്തിന് പുറത്തല്ല , അകത്താണ് എന്നത് തന്നെ ഇതിനു കാരണം! മാത്രവുമല്ല , അന്തരീക്ഷം ചൂടായായാലും തണുപ്പായാലും മനുഷ്യ ശരീരം എല്ലായ്‌പ്പോഴും 36 .5  നും 37 ഡിഗ്രി സെന്റിഗ്രേഡിൽ ശരീര ഊഷ്‌മാവ്‌  നിലനിർത്തും. അപ്പോൾ കാലാവസ്ഥയും ഋതുക്കളും എന്ത് എന്നത് ഒരു മാനദണ്ഡമേയല്ല എന്ന് ലോകാരോഗ്യ സംഘടനയും വ്യക്തമാക്കുന്നു. 

ചൂട് വെള്ളം കുടിക്കുക ; ആവിയിൽ കുളിക്കുക ( സോണ ), സൂര്യതാപം ഏൽക്കുക, ചൂടുവെള്ളം നിറച്ച ബാത്ത് ടബ്ബിൽ കിടക്കുക തുടങ്ങിയ ചെയ്‌താൽ കൊറോണ വൈറസ് ബാധ തടയാമെന്ന് ഐക്യരാഷ്ട്ര സഭയുടെ കീഴിലെ യൂണിസെഫ് പ്രസ്ഥാവിച്ചതായി പ്രചാരണം ഉണ്ടായി. എന്നാൽ ഇത് ശ്രദ്ധയിൽപ്പെട്ട ഉടൻതന്നെ യൂനിസെഫ് ഇത് നിഷേധിച്ചു

കോട്ടൺ തുണിയിൽ നിർമ്മിച്ച് , പച്ചില കഷായത്തിലിട്ടു  ചൂടാക്കി എടുത്ത മാസ്‌ക് കൊറോണ വൈറസിനെ പ്രതിരോധിക്കും എന്നും പ്രചാരണം ഉണ്ടായി. ഇതും ആധികാരിക കേന്ദ്രങ്ങൾ അശാസ്ത്രീയം  എന്ന് വ്യക്തമാക്കി. ശസ്ത്രക്രിയക്ക് ഉപയോഗിക്കുന്ന N 95 പോലുള്ള മാസ്‌കുകളുടെ ഉപയോഗം ആരോഗ്യ പ്രവർത്തകർക്ക് ഉപയോഗിക്കുവാൻ മാറ്റി വയ്ക്കണമെന്നും , ഒന്നിൽ കൂടുതൽ അടുക്കുകൾ ഉള്ള തുണി മാസ്‌കുകൾ ജനങ്ങൾക്കു ഉപയോഗിക്കാമെന്നും , പ്രത്യേകിച്ചു 6 അടി അകലം പാലിക്കുവാൻ കഴിയാത്ത സാഹചര്യങ്ങളിൽ നിർബന്ധമായും ഉപയോഗിക്കണമെന്നും സി ഡി സി നിഷ്‌കർഷിക്കുകയുണ്ടായി. തുറസ്സായ പ്രദേശത്തു വൈറസ് ബാധ കുറയുമെന്നും വ്യക്തമാക്കുകയുണ്ടായി.

Image courtesy: WHO

Image courtesy: WHO

നാർക്കോട്ടിക് ഉത്പ്പന്നങ്ങൾ കോവിഡിനെ തടയുമോ ? അങ്ങനെയും പ്രചരണങ്ങൾ ഉണ്ടായി ! കൊക്കയ്ൻ കോവിഡിന് ഫലപ്രദം എന്ന് വ്യാപക പ്രചരണമുണ്ടായപ്പോൾ ഫ്രഞ്ച് സർക്കാർ തന്നെ മുന്നോട്ടു വന്ന്  ആ പ്രചാരണം വിലക്കുകയുണ്ടായി . ആംഫെറ്റാമൈനുകൾ, കൊക്കെയ്ൻനിക്കോട്ടിൻ എന്നിവ അടങ്ങിയ മിശ്രിതം കോവിഡ്-19 നെതിരെയുള്ള വാക്‌സിനായി ഉപയോഗിക്കാമെന്ന പരസ്യങ്ങൾ വരെ വന്നു ! കഞ്ചാവിന്റെ ഉപയോഗം  വൈറസിനെ പ്രതിരോധിക്കൂമെന്നും ആയതിനാൽ കഞ്ചാവ് ഉപയോഗം നിയമവിധേയമാക്കണം എന്ന വാദം ശ്രീലങ്ക സർക്കാർ നിരസിച്ചു 

ദി അമേരിക്കൻ ജേർണൽ ഓഫ് ട്രോപ്പിക്കൽ മെഡിസിൻ ആൻഡ് ഹൈജിൻ നടത്തിയ പഠനം വ്യാജ പ്രചാരണം കാരണം ഉണ്ടായ കോവിഡ് മരണം വെളിച്ചത്തുകൊണ്ടുവന്നത് ബിബിസി റിപ്പോർട്ട് ചെയ്‌തു. സാമൂഹ്യ മാധ്യമങ്ങളിലെ വ്യാജ പ്രചരണങ്ങൾ  കാരണം 5800 ഓളം പേരെ ആശിപത്രിയിൽ പ്രവേശിപ്പിച്ചതായും എണ്ണൂറോളം പേർ മരണപ്പെട്ടതായും കണ്ടെത്തി . ഇത്  ഒരു വർഷത്തിന്  മുൻപുള്ള ( ആഗസ്റ്റ്  2020 ) ലെ കണക്കാണ്.   വ്യാവസായിക ആവശ്യത്തിന് ഉപയോഗിക്കുന്ന മെത്തനോൾ  ഉപയോഗിച്ചതാണ് പ്രധാന കാരണം. ഇത് വിഷ വസ്തുവാണ്! മദ്യത്തിൽ ഉപയോഗിക്കുന്ന എഥനോൾ പോലും കോവിഡിന് പരിഹാരമല്ല എന്നും മറിച്ചു മറ്റു പുതിയ രോഗങ്ങൾ സൃഷ്ട്ടിക്കുമെന്നും  ലോകാരോഗ്യ സംഘടന മുന്നറിയിപ്പ് നൽകുന്നു.     

വിവിധ മരുന്നുകളുടെ കോവിഡ് പ്രധിരോധ ഉപയോഗവും ധാരാളം. ഒരു ഹെർബൽ മരുന്ന് കമ്പനി ഉടമസ്ഥൻ ഇങ്ങനെ സ്വന്തം മരുന്ന് ഉപയോഗിച്ചതിനാൽ തന്നെ മരണമടഞ്ഞു ! തമിഴ്‌നാട്ടിലാണ് ഈ സംഭവം ഉണ്ടായത്. ഹോമിയോപ്പതി മരുന്നായ ‘ഇൻഫ്ലുവൻസ കോംപ്ലക്സ്’ കോവിഡ്-19 നുള്ള ഒരു പ്രതിരോധ മരുന്നായി വിൽപന  നടന്നു. റേഡിയോണിക്സ് യന്ത്രമുപയോഗിച്ചു കോവിഡ് 19 വൈറസിന്റെ ഫ്രീക്‌ൻസി താൻ കണ്ടെത്തിയെന്നും  ന്യൂസിലാൻ്റിലെ ഈ ഹോമിയോ ഡോക്ടർ അവകാശ വാദം ഉന്നയിച്ചു. എന്നാൽ ഓക്‌ലാൻഡ് യൂണിവേഴ്‌സിറ്റി യിലെയും മറ്റു മൈക്രോ ബിയോളജിസ്റ്റുകളുടെയും പഠനങ്ങൾ ഈ വാദം നിരാകരിച്ചു. 

ആന്റി ബൈക്കോടിക് മരുന്നുകൾ കോവിഡ് 19 നെ തടയുമോ ? ഇല്ല ! കാരണം ? ആന്റി ബയോട്ടിക് മരുന്നുകൾ ഉപയോഗിക്കുന്നത് ബാക്ടീരിയ വഴി ഉണ്ടാകുന്ന രോഗങ്ങൾക്ക് ആണ് . എന്നാൽ , കോവിഡ് രോഗ കാരണം ബാക്റ്റീരിയകൾ അല്ല , മറിച്ചു വൈറസ് കാരണത്താൽ ആണ് ! ഇത് കോവിഡ് രോഗത്തോടൊപ്പം ബാക്റ്റീരിയൽ സംബന്ധ രോഗങ്ങൾ ഉള്ളവർക്ക് വളരെ കരുതലോടെ മാത്രം ഉപയോഗിക്കേണ്ടതെന്നാണ് വിദഗ്‌ധ കണ്ടെത്തൽ .

കോവിഡ് മായി ബന്ധപ്പെട്ട വ്യാജ പ്രചരണങ്ങൾ തീരുന്നില്ല ! ഭക്ഷണം , മതപരമായ ആചാരങ്ങളും അന്ധവിശ്വാസങ്ങളും ഒക്കെ ആയി ബന്ധപ്പെട്ട തെറ്റായ പ്രചരണങ്ങൾ അടുത്ത  ബ്ലോഗിൽ വ്യക്തമാക്കാം. 
അവലംബം :